Mae Cadwch Gymru’n Daclus wedi datgelu enillwyr y Faner Werdd eleni – marc rhyngwladol parc neu fan gwyrdd o safon.<\/p>\n
Bydd y faner yn chwifio yng Nghoedwig Cwmcarn i gydnabod ei gyfleusterau gwych i ymwelwyr, safonau amgylcheddol uchel ac ymrwymiad i ddarparu man gwyrdd o ansawdd anhygoel.<\/p>\n
Bu trawsnewidiadau anhygoel yng Nghoedwig Cwmcarn dros y blynyddoedd diwethaf. Yn fwy diweddar, cafodd Caffi’r Gigfran yn y ganolfan ymwelwyr gyllid i ehangu’r gegin a’r ardal gweini, ynghyd \u00e2 thirlunio llawn o’r gofod allanol i gynyddu’r ardal eistedd. Gosodwyd man chwarae i dwdlod newydd wrth ochr y ganolfan ac arwyddion newydd ledled y safle.<\/p>\n
Mae Coedwig Cwmcarn yn parhau i dderbyn gwobr y Faner Werdd ac yn ymfalch\u00efo mewn cynnal mannau gwyrdd hyfryd Coedwig Cwmcarn i’r safon uchaf.<\/p>\n
Dywedodd Michael Owen, Rheolwr yng Nghoedwig Cwmcarn, “Mae’r safonau cynnal uchel y mae ymwelwyr yn gweld ledled y safle yn dyst i waith caled ein staff sydd wedi cynnal Coedwig Cwmcarn o dan yr amodau mwyaf heriol. Fel atyniad awyr agored, rydyn ni’n ffodus o allu cynnig hafan i ymwelwyr ar garreg ei ddrws, lle mae modd mynd am dro neu feicio a mwynhau’r awyr iach. Mae siop anrhegion a derbynfa’r ganolfan ymwelwyr ar agor ac mae Caffi’r Gigfran yn gweithredu fel tecaw\u00ea yn ystod pandemig y coronafeirws.”<\/p>\n